Waxaa Saaka Degen Xaaladda Degaanka Godinlabe Ee Gobolka Galgaduud oo Shalay uu ka dhacay Dagaal u dhexeeya Ciidamada Galmudug iyo kuwa Ahlusunna
Ciidamada Galmudug ayaa ku sugan Magaalada Godinlabe,iyadoo kuwa kale ee Ahlusunna ay ku sugan yihiin Dhanka Koofureed ee Magaalada.
Dadka ku nool Degaanka Godinlabe ee Gobolka Galgaduud ayaa Cabsi ka qaba in mar kale uu Dagaal ka dhaco Degaanka Godinlabe islamarkaana ay ku dul dagaalamaan Ciidamada Galmudug iyo Ahlusunna.
Galmudug ayaa Dagaalka ku Eedeysay in ay soo Abaabushay Puntland islamarkaana ay Adeegsatay Ahlusunna.
Dhanka kale Ahlusunna ayaa dhankeeda sheegtay in ay Ciidamada Galmudug ka Barbar dagaalamayaan kuwa Dowladda Soomaaliya islamarkaana Dowladda Federaalka ay qeyb ka tahay Dagaalka.
