Ciidamada dowlada Somaliya iyo kuwa Galmudug ayaa caawa si buuxda gacanta ugu dhigay magaalada Godinlabe kadib dagaal mudo socday oo maqriibkii kadhacay.
Dagaalka ayaa bilowday markii madaxweynaha Galmudug iyo wafdi uu hogaaminayo ay gaareen halkaasi iyadoona dagaalka uu ahaa mid culus oo la isku adeegsaday hubka nuucyadiisa kala duwan.
Wararka caawa inaga soo gaaraya Godinlabe ayaa sheegaya in gabi ahaan magaalada gacantu ugu jirto ciidamada dowlada Somaliya iyo kuwa Galmudug.
Ciidamadii Ahlu Sunna iyo maleeshiyadii hubeysneyd ayaa dib u ruqaansaday waxayna caawa kusugan yihiin deegaanka Carro-tuurka oo u dhaxeeya Godinlabe iyo Mareer-gur.
