War Deg Deg Ah Oo Hadda Ku Soo Dhacay Xafiiska Warqabadka Radio Cadaado Ayaa Waxa Uu Sheegayaa In Qarax oo Wadada dhinaceeda lagu aaso, lala eegtay kolonyo ka mid ah ciidamada midowga Afrika Ee AMISOM xilli ay ku socdaalayeen Wadada xiriirisa Muqdisho iyo Afgooye.
Kolonyada AMISOM ayaa xilliga qaraxa lala eegnayay waxa ay marayeen deegaanka Ceelasha biyaha ee duleedka Magalada Muqdisho,waxana la sheegay in uu jiro khasaaro ka dhashay qaraxaas.
Wararka qaar ayaa waxa ay sheegayaan in mid ka mid ah Gawaarida AMISOM uu qaraxaasi haleelay.
Goobjoogayaal ayaa waxa ay sheegeen in qarax ka dib ay maqleen rasaas ay ridayeen Ciidamada AMISOM ee la qarxiyey.
