Kulankan oo muhiimaddiisu tahay xoojinta iskaashiga iyo wada shaqeynta daneeyayaasha xoolaha ayaa waxaa ka soo qeyb galay mas’uuliyiin sare oo ay ka mid yihiin Wasiirka Wasaaradda, Hon Sandhere Mohamed, iyo Agaasimaha Guud ee Wasaaradda, Mudane Omar Mohamed Abdullahi.

Kulanka waxaa si rasmi ah u daahfuray Wasiirka Wasaaradda, Hon Sandhere Mohamed isagoo carabka ku adkeeyay muhiimadda ay leedahay wada shaqeyn ballaaran oo u dhaxeysa hay’adaha dowliga ah, bulshada xoolo-dhaqatada, iyo daneeyayaasha kale, si looga jawaabo baahiyaha jira ee la xiriira caafimaadka xoolaha, helitaanka cawska iyo daaqa, iyo la tacaalidda isbeddelka cimilada.

Wasaaradda Xanaanada Xoolaha, Dhirta iyo Daaqa Dowladda Koonfurgalbeed waxay mar kale muujineysaa sida ay uga go’an tahay in la helo qorshe hufan, isfaham iyo dadaal mideysan oo lagu horumarinayo nolol maalmeedka dadka xoolo-dhaqatada ah ee gobolka.