Faah faahinno kala duwan ayaa kasoo baxaya dabley hubaysan oo weeerar ku qaaday masuuliyiin ka tirsan Maamulka Degmada Daarusalaam iyo dad shacab ah.
Wararka nasoo gaaraya ayaa sheegaya in dabley hubaysan ay dhaawaceen gudoomiye ku xigeenka arinaha bulshda ee degmada Daara Salaam Guure Maxamed Xersi.
Wararka aan helanay ayaa intaas ku daraya in Masuulkaasi markii la weerarayay uu ku jiray meel Gym ah oo ku taala isgooska ex koontarool Balcad dhanka degmada Hilwaa, sida ay soo sheegayaan dad goobjoogayaal ah.
Kooxdii dableyda ahayd ee weerar soo qaaday ayaa Sidoo kale waxaa la sheegay inay goobta ku dileen ninkii lahaa jiimka.
Masuuliyiin ka tirsan degmada ayaa xaqiijiyay falkaasi, lagu dhaawacay Guddoomiye ku xigeenka, waxaana socda baaritaanno ay wadaan Ciidanka ammaanka.
Kooxda dilka gaysatay ayaa ku baxsatay gaariga uu lahaa gudoomiye ku xigeenka oo la sheegay in uu banaanka yaalay.
Dableyda weerarkaasi fulisay ayaaa la aaminsan yahay inay AS ka tirsan yihiin inkastoo aysan jirin ilaa iyo hadda cid si ramsi ah u caddeyay, falalka noocaan ah ayaana looga bartay dagaalamayaasha As.
