Inta la xaqiijiyay Afar rag oo ehel ah ayaa ku geeriyooday kadib markii Mooto Bajaaj ay saarnaayeen ay miino kula qaraxyday duleedka Magaalada Jowhar ee Caasimadda Hir-Shabeelle.
Qaraxa oo ahaa miinada dhulka lagu Aaso ayaa Goobjoogayaal waxaa ay sheegeen in ragga dhintay oo uu kujiro wadihii Mooto Bajaajta ay miinada ku qabsatay degaanka Xaanshooley oo u dhaxeeya Garoonka diyaaradaha & magaalada Jowhar una jira 6KM Magaalada Jowhar
Afarta Ragga ee qaraxa Miino ku dhintay ayaa meydkooda waxaa la geeyay Isbitaalka Magaalada Jowhar, waxaana la sheegay inay safar u ahaayeen degmada Mahadaay ee isla Gobolka Shabeellaha Dhexe.
Mas’uuliyiinta iyo laamaha Amniga Magaalada Jowhar ayaan weli ka hadlin qaraxaas, waxaana uu kusoo aadayaa xilli siweyn loo adkeeyay Amniga Magaalada Jowhar, isla markaana ay ka socoto doorashada Golaha Shacabka.
