Ra’iisul Wasaare Ku xigeenka Dalka Mahdi Maxamed Guuleed ayaa guddoomiyay shirka guddiga qaran ee xakamaynta COVID-19, kadib markii uu Soomaaliya Cudurka uu kusoo laba kacleeyay.
Kulanka oo ku qabsoomay Aalada Internet-ka ee ( ZOOMKA) ayaa looga hadlay ka hortagga, la tacaalidda & xoojinta wacyigelinta cudurka Corona Virus oo soo laba kacleeyay.
Ra’iisul Wasaare Ku xigeenka Dalka Mahdi Maxamed Guuleed ayaa faray guddiga inay dardar geliyaan howlaha looga hrtagayo Cudurka Coronavirus, isla markaana dowladda ay diyaar u tahay ka qeyb-qaadashada arrintaas.
Soomaaliya ayaa todobaadyadii la soo dhaafay waxaa kusoo laba kacleeyay Cudurka Safmareenka ah ee COVID-19, waxaana tirada Soomaliya laga diiwangeliyay ay Wasaaradda Caafimaadka ku sheegtay 5,183 Ruux.
