Munaasabad ballaaran oo lagu Taageerayay Mirihii kasoo Baxay Shirkii Dhuusamareeb Saddax ayaa xalay lagu qabtay Fagaaraha Shiirkole ee Magaalada Dhuusamareeb.
Munaasabaddan waxaa soo agaasimay maamulka Caasimadda, iyadoona ayna kasoo qeybgaleen Madaxweynaha maamulka Galmudug Mudane Axmed Cabdi Kaariye, Goddoomiyaha Golaha Wakiilada Mudane Maxamed Nuur Gacal, Xubno ka tirsan goleyaasha Xukuumadda iyo Barlamaanka iyo qeybaha kala duwan ee Bulshada.
Madaxweynaha Galmudug oo Munaasabadda ka jeediyay Khudbad ayaa sheegay in Galmudug ay guul ka gaartay Shirkii Dhuusamareeb Saddex oo ay kasoo baxeen qodobo ku aadan hanaanka doorashooyinka dalka.
Qoorqoor ayaa sidoo kale tilmaamay in Galmudug ay qaadi doono howlgallo waa weyn oo Al-Shabaab looga saarayo degmooyinka ay wali gacanta ku hayaan ee ku yaalla Galgaduud iyo Mudug.
Waxaa uu xusay in loo baahan yahay taageerada Shacabka si loogu guuleysto in degmooyinka Xarardheere, Ceelbuur iyo Ceeldheer dib loogu soo celiyo gacanta maamulka.
