Waxaa maanta la baaray 44 waxaa laga helay 12 qof taas ayaa ka dhigan in maanta dadka xanuunka laga helay ay ka badanyihiin maalmihii la soo dhaafay Covid 19, waxaa sidoo kale kor ukacday guud ahaan dadka xanuunka laga helay Puntland oo gaartay 221 qof.
12 qof ee xanuunka laga helay 9 kamid ah waa rag halka 3 kale ay dumar yihiin waxayna da’doodu udhaxaysaa 19 jir – 79 jir.
Dadka xanuunka laga helay ayaa 8 kamid ah waxay joogaan magaalada Garowe Gobolka Nugaal, 3 qof waxay joogaan magaalada Caluula ee Gobolka Gardafu halka 1 qof uu joogo magaalada Galkacyo Gobolka Mudug.
Tirada guud ee dadka xanuunka laga helay Puntland ayaa hada gaartay 221 qof, waxaa u dhintay 7 qof halka bogsashasa la diiwan geliyey ay tahay 40 qof.
