Wararka aan ka helayno deegaanka Xeraale ee g.Galgaduud ayaa sheegaya in barqanimadii maanta ay ciidamo ka tirsan Ahlusunna Waljamaaca weerar ku soo qaadeen deegaankaasi .
Dagaal u dhexeeya dadka deegaanka iyo ciidamada ahlusuna ayaa ka soconaya duleedka Xeraale waxaana dadka deegaanka oo la hadlay Radio Cadaado ay sheegayaan in aan qasaaraha dhabta ah la ogaan karin balse dagaal xoogan uu halkaasi ka socdo.
Masuuliyiin ka tirsan Galmudug iyo Ahlusuna ayaa maanta lagu waday in ay ku shiraan deegaanka Mareergur balse waa la isku fahmi waayay kulankaase ka dib markii Ahlusuna dad shacab ah ay ku weerartay Xeraale.
