Laamaha Amniga ee dowlad goboleedka Jubbaland ayaa waxaa ay faah faahin guud ka bixiyeen howlgallo ka dhacay gobolada Gedo iyo Jubada hoose,kaas oo ay fuliyeen Ciidamada Maamulkaas. Afhayeenka Wasaaradda Amniga Jubbaland Cabdi Nuur Ibraahim Xuseen ayaa sheegay in howlgalladaas ay Ciidamada Jubbaland ku dileen Xubno ka tirsan Ururka Al-Shabaab sidoo kalena qaarkood ay nolosha ku qabteen. Xilli uu Warbaahinta kula hadlayay Magaalada Kismaayo ayuu sheegay in howlgalka laga sameeyey deegaannada Cabdala Biroole, Yaaq Bishaaro iyo deegaano kale oo hoostaga degmada Jamaame. Waxaa uu sheegay in howlgaladaas guulo kale oo waaweyn laga gaarey,sidoo kalena ay Ciidamada dileen Afar Xubnood oio ka tirsan Al-Shabaab kana qabsadeen saanad Millateri sida uu hadalka u dhigey. Ugu dambeyn waxaa uu sheegay in Ciidamada Jubbaland ay u taagan yihiin ka hortagida in falal amniga lidi ku ah ka geystaan Al-Shabaab degmooyinka ay ku sugan yihiin Ciidamada Maamulka Jubbaland.

By
Kuuriya
-
0
528

Ciidamo katirsan kuwa Milateriga Soomaaliya ayaa waxaa ay kala dhex-galeen maleeshiyaad dagaal geystay khasaaro dhimasho iyo dhaawac ah ku dhex-marey deegaanada Mirxeyley & Bangeelle oo ku yaalla inta u dhaxeysa Magaalooyinka Cadaado & Cabudwaaq ee Gobolka Galgaduud.

Ciidamada la kala dhex-dhigey labada maleeshiyo Beeleed oo wata gaadiidka dagaalka ayaa waxaa hoggaaminaya Taliyaha Guutada 13-Aad Ee Ciidanka Dawladda Qaybta 21-Aad Col Cabdiraxman Macalin Maxamuud (Timadheere),waxaana ay ku guuleysteen inay dagaalka joojiyaan.

Dagaalka ka dhacay deegaannada Mirxeyley & Bangeelle ayaa waxaa uu salka ku haayey isku qabsiga Baraag laga qodayey deegaanka Mirxeyley,waxaana dagaalka inta la xaqiijiyey ku geeriyoodey 5 Ruux halka 6 kale ay ku dhaawacmeen.

Wararkii ugu dambeeyey ee haatan naga soo gaaraya deegaannadii lagu dagaalamey ayaa waxaa ay sheegayaan in xaaladu ay tahay mid degan,isla markaana ay ku sugan yihiin Ciidamo ka tirsan Millateriga Soomaaliya.

RELATED ARTICLESMORE FROM AUTHOR