Madaxweynaha Dowlad goboleedka Hirshabelle Maxamed Cabdi Waare oo ku sugan Magaalada Muqdisho ayaa kulan la qaatay Safiirada Dowladaha Ingiriiska, iyo Mareykanka Ee Soomaaliya Danjire Ben Fender OBE, iyo Ambassador Donald Yamamoto.
Madaxweynaha Iyo Safiirada ayaa ka wada hadlay Sidii xal waara looga gaari lahaa fatahaadda ku soo noq noqday Magaalada Beledweyne iyo deegaanno ka mid Hirshabelle, iyo Sidii US iyo UK qeyb uga noqon lahaayeen mashaariicda horimarineed ee hakinta fatahaadaha.
Sidoo kale Madaxweyne Waare iyo Safiirada ayaa waxaa ay ka hadleen Dardargelinta Mashaariicda Somali Stabilty Fund ee HirShabelle (UK), iyo arrimo kale oo la xiriira dib u dhiska iyo horumarinta Hirshabeelle.
Deegaano badan oo katirsan Maamulka Hir-Shabeelle ayaa waxaa sanadkii labaad oo xiriir ah ka dhacay fatahaad uu sameeyey Wabiga Shabeelle haba ugu darnaatee Magaalada Baladweyne ee Xarunta Gobolka Hiiraan.
