Qarax xooggan ayaa galabta ah ka dhacay Wadada Maka Al Mukarama, gaar ahaan maqaayad caan ah oo ku taal laamiga dhinaciis, iyadoo la soo warinayo inuu qaraxa dhimasho iyo dhaawac.
Qaraxa oo ahaa baabuur walxaha qarxa laga soo buuxiyay ayaa ka dhacay ka soo horjeedka Shineemo Soomaali oo ay ku yaallaan goobo ganacsi, sida maqaayad iyo hotel.
Wararka ayaa sheegaya in Qaraxa uu ka dhacay Maqaaxi lagu magacaabo Baar Italiano oo dad badan ku qaxweeyaan galbihii iyo subixii.
Maqaayadda Baar Italiano Coffee ayaa ku dhow dhismaha Xarunta Waaxda Socdaalka ee Immigration-ka ama gurigii Shaqaalaha ee Wadada Maka Mukarama.
Goob joogayaal ayaa sheegaya in baabuur walxaha qarxa laga soo buuxiyay oo la dhigay agagaarka maqaayada uu qarxay.
Khasaare kala duwan ayaa la sheegaya inuu qaraxa ka dhashay, waxaana adag in la helo faah faahin horu dhac ah.
Inta badan maqaayadaha ku yaalla Magaalada Muqdisho ayaa muddooyinkii u dambeeyay bartilmaameed u noqday qaraxyada loo adeegsado baabuurta oo ay mas’uuliyadiisa sheegato Al-Shabaab
La soco wixii warar ee ku soo kordha Qaraxa.
