Faah faahino dheeraad ah ayaa waxaa ay kasoo baxayaan dagaal deegaano ka tirsan gobolka Hiiraan ku dhexmaray Ciidamada Dowladda Federaalka Soomaaliya iyo xubno ka tirsan Ururka dagaalamayaasha Al-Shabaab.
Dagaalka ayaa yimid,kadib markii Xubno ka tirsan Al-Shabaab sida la sheegay ay wadada u galeen Kolonyo ka tirsan ciidamada Millateriga Soomaaliya oo ku safrayay wadada u dhaxeysa degmooyinka jalalaqsi iyo Buulo burte ee gobolka Hiiraan.
Ciidamada la weeraray ayaa waxaa la sheegay in uu hoggaaminayay Sarkaal lagu Magacaabo Cabdi Suul Nuug oo ah taliye Urur ka tirsan Ciidamada Dowladda ee ku sugan degmada Buulo Burde,waxaana Dadka degaanka ay sheegeen in uu dhacay dagaal xoogan oo mudo socday.
Ilaa iyo inta la xaqiijiyay dagaalkaas ayaa waxaa ku dhaawacmay lab Askari oo ka tirsan Ciidamada Dowladda,hayeeshee waxaan weli la ogeyn khasaaraha Al-Shabaab dhankooda kasoo gaaray dagaalkaas ka dhacay inta u dhaxeysa dhaxeysa degmooyinka jalalaqsi iyo Buulo burte ee gobolka Hiiraan.
Si kastaba weli majirto wax war ah oo kasoo baxay Saraakiisha Ciidamada Dowladda Soomaaliya ee ku aadan dagaalkaas ka dhacay deegaano ka tirsan Gobolka Hiiraan iyo dhanka Ururka Al-Shabaab oo inta badan sheegta weerarada noocaas oo kale ah.
