Taliyaha cusub ee Ciidanka Booliska Soomaaliyeed Cabdi Xasan Xijaar ayaa sheegay in taliska Booliska ay la imaan doonaan qorshe cusub oo lagu xaqiijinaayo Ammaanka Magaalada Muqdisho.
Taliyaha ayaa sheegay in qorshaha hadda dadka Shacabka ah dhibaato badan ku qabaan, islamarkaana ay furi doonaan Wadooyinka ayna diyaarinayaan qorshe ka duwan Midka hadda uu ku shaqeeyo Booliska Muqdisho.
Hay’addaha kala duwan ee dowladda iyo maamulka gobolka Banaadir ayuu sheegay in ay kala shaqeyn doonaan sidii Shacabka Muqdisho dhibaatadda looga qaadi lahaa oo loo heli lahaa qorshe Wanaagsan oo lagu sugikaro Amniga.
Taliye Xijaar ayaa ugu baaqay Shacabka Soomaaliyeed in ay la shaqeeyaan Ciidanka Booliska.
