Khilaaf cusub oo ka dhashay hadalkii Wasiirkii Wasaaradda waxbarashadda Soomaaliya Cabdullaahi Goodax Barre ayaa soo kala dhex galay dowladda dhexe iyo maamul goboleedka Puntland.
Khilaafka ayaa ka dhashay Imtixaanada dugsiyadda dowladda Soomaaliya oo maamulka Puntland ay diideen in ay ka qeyb galaan.
Cabdullaahi Goodax Barre ayaa maanta Hanjabaad u diray maamulka Puntland taasoo ku aadan in aysan heli doonin Shihaadda dowladda haddii aysan ka qeyb galin Imtixaanka dowladda Soomaaliya ay iclaamisay.
Xiisadda ka dhalatay hadalka Wasiirka ayaa laga dareemaya guud ahan degaanada maamulka Puntland.
Wasiirkii hore ee Arrimaha gudaha Soomaliya horay u soo noqday Wasiirka Waxbarashadda Puntland Cabdi Faarax Saciid Juxa ayaa dhaliilay hadalka Wasiirka , waxaana uu sheegay in arrimaha waxbarashadda uu qaas u yahay maamul goboleedyadda.
“Wasiir Godaxow, Puntland waa pre-federal state dhisan in kabadan 20 sano oo leh manhaj, imtixaan iyo siyaasad waxbarasho oo dhisan waqti dheer. Waa nidaam waxbarasho oo leh sharciyad iyo kalsooni shacab oo buuxda. Waa nasiib darro inaad maanta ku goodido inaad burburiso nidaamkaas reer Puntland dhisteen. Tan kale waxbarashadu waa shaqo u gaar ah Dawlad-goboleedyada ee maaha wax quseeya Dawlad dhexe.
Nidaamka Federalka waxaa loo samaystay inaan arrimahan oo kale mardame meelna marti looga noqon” ayuu yiri Juxa.
