Lammaane u dhashay dalka Britain oo kooxda Taliban ay ku xirtay Afgaanistaan muddo ku dhow siddeed bilood ayaa dib ugu soo laabtay UK ka dib markii la sii daayay.
Peter Reynolds, oo 80 jir ah, iyo xaaskiisa Barbie, oo 76 jir ah, oo ku noolaa Afgaanistaan ku dhawaad labaatan sano, ayaa ka soo degay gegida dayuuradaha ee Heathrow, iyagoo ka duulaya Dooxa.
Waxay dib ula midoobeen gabadhooda oo joogtay Qadar Jimcihii.
Wiilkooda Jonathan Reynolds ayaa u sheegay barnaamijka maanta ee Raadiyaha 4 ee BBC in uu “aad u faraxsan yahay oo uu si weyn ugu mahadcelinayo” kuwa ka qeyb qaatay soo deyntooda.
Taalibaan oo xiray lammaanahan kowdii February, ayaa sheegtay in labadaasi qof ay jabiyeen sharciga Afqaanistaan, lana sii daayay ka dib dacwado maxkamadeed – balse kooxda Islaamiga ah ayaan waligood shaacin sababta loo xiray.
