Magaalada Laascaanood ee gobolka Sool ayaa maanta si rasmi ah looga bilaabay qabashada codsiyada musharraxiinta iyo diiwaangelinta doorashada guddoonka Baarlamaanka maamulka Waqooyi Bari Soomaaliya.
Habraaca diiwaangelinta musharraxiinta ayaa socon doona ilaa Jimcaha, 22 Agoosto, halka doorashada guddoomiyaha Golaha Wakiillada iyo labadiisa ku-xigeen lagu wado inay qabsoonto Sabtida, 23 Agoosto 2025.
Musharraxiinta ku tartamaya xilka guddoonka Baarlamaanka ayaa soo bandhigi doono barnaamijyadooda siyaasadeed iyo waxqabad, kuwaas oo ay ku doodayaan inay horseedi doonaan isbeddel, hufnaan iyo cadaalad.
Waxaa musharraxiinta ka mid ah:
Xildhibaan Abdiqafar Mohamud Mohamed (Dheeliye)
Xildhibaan Dr. Aden Abdullahi Aw Hassan
Xildhibaan Cabdisahal Jaamac Maxamed
Doorashada guddoonka Baarlamaanka maamulka cusub ayaa lagu tilmaamay mid muhiim u ah dhismaha hay’adaha sharci-dejinta ee Waqooyi Bari, isla markaana go’aamin doonta jihada siyaasadeed ee maamulka cusub.
