Xubnaha Mucaaradka ah ayaa maanta lagu wadaa in ay la kulmaan wakiillada Beesha Caalamka ee ku sugan Magaalada Muqdisho si ay ugala hadlaan xaaladda Dalka iyo shirkii natiijo la’aanta kusoo dhammaaday ee dhowaan labada jeer la yeesheen Madaxweyne Xasan Sheekh Maxamuud.
Waxyaabaha ay kala hadlayaan waxaa kamid ah qodobka la isku mari waayay ee cutubka 4aad ee Dastuurka Dalka oo labo daraf kala istaageen Madasha ay ku mideysan yihiin xubnahaan mucaaradka ah ee Golaha Samatabixinta iyo Dowladda Federaalka.
Kahor kulanka waxa ay xubnaha Mucaaradka saacadihii lasoo dhaafay la hadleen Warbaahinta iyaga oo adeegsado hadallo xaaladda sii adkeynaya, waxa ay si toos ah u sheegeen in Dowladda Dhexe ee Federaalka isku mari waayeen howlaha la xiriira geeddi socodka Doorashooyinka Dalka.
Wakiillada Beesha Caalamka ayaa dhowaan baaq furan oo si wadajir ah ugu socda u dirtay Dowladda Federaalka iyo Xubnaha Mucaaradka, waxa uu ku saabsanaa in wadahadalka lagu dhammeeyo kala aragti duwanaanta siyaasadeed si looga fogaado wax weliba oo kala dhantaali kara wadahadalkaas socda.
