MUQDISHO, Soomaaliya [SMN] – Degmada Ceeldheer ee gobolka Galgaduud waxaa ka soconaya dhaqdhaqaaqyo xoog leh oo ka dhan Ah Al-Shabaab.
Waxaa la diyaariyay qeybta Labaad Ciidamada deegaanka kuwaasi oo aad loo qalabeeyay, waxaana ay ku sii jeedaan deegaano hor leh oo ku dhow degmada Ceeldheer oo ay ku suganyihiin dagaalyahanada Al-Shabaab.
Xildhibaan Yaasiin Fareey oo kamid ah Mudanayaasha Baarkamanka ayaa ugu baaqay dhamaan qeybaha Bulshada oo ay kamid yihiin Culimada in ay u midoobaan dagaalka Al-Shabaab.
Waxa uu sheegay in loo dhaqaaqi doono halka ay ku suganyihiin si looga saaro kooxdaasi oo uu tilmaamay in ay tahay caqabad ku hor gudboon nolosha dadka Soomaaliyeed
Ceel Dheer waxaa in dhawaanahan ku sugnaa masuuliyiin katirsan dowladda kuwaasi oo halkaa ka waday abaabulo ciidan oo ka dhan ah kooxda Al-Shabaab.
