Askari ka tirsan Ciidanka Booliska maamulka Somaliland ayaa xalay toogtay Siciid Xasan Maxamed Shire, oo ka mid ahaa xamaalinta ka shaqeysa suuqa Inji ee degmada Axmed.
Dilkan ayaa ka dhacay gudaha suuqa, waxaana marxuumka maydkiisa lagu qaaday Cisbitaalka weyn ee Hargeysa, sida ay xaqiijiyeen dadka ehelka ah iyo goobjoogiyaasha.
Siciid Xasan Maxamed Shire ayaa si deg deg ah loogu qaaday cusbitaalka, balse nasiib darro, wuxuuna ku geeriyooday dhaawacyadiisii. Ciidamada Booliska ayaa si deg deg ah uga hawlgalay goobta dhacdada ka dhacday, waxaana dilkaasi si rasmi ah u helay baaritaanno iyo tallaabooyin lagu raadraacayo sababaha ka dambeeya.
Booliiska Somaliland ayaa ku guuleystay inay si dhaqso leh u soo qabtaan askarigii ka dambeeyay dilkaasi. Askariga ayaa la geeyay laanta dambi barista, waxaana la sheegay inuu ka hor mari doono maxkamadaha ka shaqeeya kiisaska dilalka si loo helo cadaalad.
Dilkan ayaa si weyn uga careysiiyay bulshada ku nool Hargeysa, waxaana la filayaa in baaritaanka kiisaskan uu socdo si loo ogaado sababaha dhabta ah ee ka dambeeyay dilkaasi.
Marxuumka Siciid Xasan Maxamed Shire ayaa lagu tilmaamay shaqaale dheraad ah oo si xalaal ah uga shaqeynayay suuqa Inji, waxaana dadka deegaanka iyo kuwa la shaqeynayay ay ka tacsiyeynayaan geeridiisa, iyagoo Alle uga baryay in uu naxariistiisa janno ka waraabiyo.
Booliiska Somaliland ayaa hadda si adag u wado baaritaanka, waxaana dadka deegaanka la faray inay ka warbixiyaan wixii macluumaad ah ee ku saabsan dhacdadan.
