Magaalada Garoowe ayaa waxaa kulan wadatashi ah ku yeeshay Madaxweynaha Puntland Saciid Cabdullaahi Deni, ku-xigeenkiisa, Guddoonka Golah Wakiilada, Madaxweynihii hore ee Puntland C/raxmaan Faroole, RW hore CC Sharmaake iyo siyaasiyiin kale.
Kulanka ayaa waxaa looga hadlay inta uu socday xaalada amni iyo mida siyaasadeed ee guud ee dalka Soomaaliya gaar ahaan tan Puntland, waxaana shirkaasi oo wadatashi ah ay Madaxda kasoo saareen War-saxaafadeed ka kooban laba qodob
Shacabka Puntland ayey marka hore Madaxda ugu baaqeen inay adkeeyaan, kana wada shaqeeyaan midnimada, nabada iyo maamul wadaaga dowlad Goboleedka Puntland.
Sidoo kale Madaxda Puntland ayaa dowladda Federaalka Soomaaliya ugu baaqday inay hakiso tallaabooyinka socda ee masiiriga ah sida, Dastuurka ayna muhiim tahay in laga wado hadlo.
Madaxweyne Xasan Sheekh Maxamuud ayaa bilihii lasoo dhaafay qaaday tallaabooyin badan oo ay dood ka keeneen mucaaradka iyo qeybaha Bulshada, kuwaasoo uu doonayo in lagu dhameystiro dastuurka dalka, iyadoo muran xoogan uu ka taagan yahay wax kla bedelka qodobada qaar.
Hoos ka Akhriso War-saxaafadeedka
