Maxkamadda ciidamada qalabka sida ee dowlad Goboleedka Jubbaland ayaa Maanta oo khamiis ah waxaa ah xukun dil ah ku fulisay laba dambiile oo hore si ula kac u gaystay dil, kuwaasi oo horey Maxkamadda Ciidamada Maamulka xukun dil toogasho ugu ridday
Labada Nin ee dilka toogashada ahaa lagu fuliyay ayaa waxaa lagu kala magacaabi jiray Yuusuf Cabdille Ismaaciil oo hore dil ugu gaystay marxuum Cabdicasiis Axmed Iimaan iyo gacan ku dhiigle Cabdi Xasan Isaaq oo oo hore si bareer ah u dilay Axmed Xuseen Cismaan.
Xeer ilaaliya Maxkamadda ciidamada qalabka sida ee Jubbaland Gaashaanle dhexe Mowliid Axmed Yaasiin oo toogashada kadib warbaahinta lahadlay ayaa sheegay in dilka labadan qof uu iyagana daawo u yahay, isla markaana ay ku kala nabad galayaan shacabka,
Sidoo kale wuxuu Xeer ilaaliya Maxkamadda carrabka ku adkeeyay in qof walba oo dil bareer ah gaysto sida ay diinta islaamka iyo xeerarka dalka u yaalan qabaan in lagu oofin doono qisaasta jariimada u gaystay si buu yiri ay umaddu u kala nabad gasho dilka sharci darrada ahna uu ooga yaraado.
