Wararka aan ka heleyno duleedka Magaalada Pretoria ee Caasimadda dalka Koonfur Afrika ayaa waxaa ay sheegayaan in halkaas uu ka dhacay Shil gaari oo Khasaaro kasoo gaaray Muwaadiniin Soomaali ah.
Shilkaas ayaa waxaa uu yimid, kadib markii gaari nooca lagu adeegto ah oo ay wateen Muwaadiniin Soomaali ah uu wadada ka baxay, isla markaana uu ku dhacay Buundo ku taalla halka loo yaqaano R80 oo ah duleedka Pretoria.
Laba Muwaadin Soomaali ah ayaa ku dhaawacmay shilkaas, waxaana gaariga uu waday adeeg u badnaa Bagaash iyo Qudaar farabadan oo muwaadidiinta ay u wateen goobo ganacsi ah oo ay leeyihiin.
Ganacsato Soomaali ah ayaa si Deg deg ah uga baxay Magaalada Pretoria, iyagoona tegay goobta ay shilka ku galeen laba Muwaadin, iyagoona halkaas kasoo qaaday dhaawacyada oo la geeyay Isbitaal.
