Ciidamada Booliska Magaalada Beledweyne ee Xarunta Gobolka Hiiraan ayaa waxaa ay gacanta ku dhigeen Nin xalay xaaskiisa oo lagu Magacaabi jirey Shukri Indhacad ku diley tooreey,kadib markii uu khilaaf soo kala dhex-galay.
Haweeneyda oo kamid aheyd Ganacsatada Jaadka( Qaadka) Magaalada Beledweyne ayaa la sheegay in Seeygeeda uu ku duftey Tooreey,isla markaana dhaawac culus oo gaarey ay ugu geeriyootey Isbitaalka Magaalada Beledweyne.
Howlgal ay sameeyeen Ciidamada Booliska Magalada beledweyne ayaa waxaa la sheegay inay Gacanta ku dhigeen Ninka oo isku dayay in uu baxsado maadaama falka dilka uu geystay.
Dad ku sugan Magaalada Beledweyne ayaa radiocadaado waxaa ay u sheegen in Haweeneyda la diley iyo Seeygeeda maalmihii la soo dhaafay uu ka dhex-jirey khilaaf xoogan oo aan weli la cadeyn waxa uu salka ku haayo,hayeeshee ugu dambeyn ay sababtay in uu dilo.
Magaalada Beledweyne ee xarunta Gobolka Hiiraan ayaa xalay ilaa saakay aad looga hadal haayaa dilka Haweedeyda kamid aheyd ganacsatada Magaaladaas uu u geystey Seeygeeda,kaas oo Ciidamada Ammaanka ay gacanta ku dhigeen.
