Taliyaha Ciidamada xoogga dalka Soomaaliyeed ayaa ka hadlay howlgallada Ciidamada dowladda maalmihii la soo dhaafay ay ka wadeen deegaano ka tirsan gobolka Shabeellaha Hoose,isla markaana ay kula wareegeen degaanka Janaale.
Taliye Odawaa Yuusuf Raage ayaa sheegay in kaliya Gobolkaas aan howlgallada laga fulin doonin,isla markaana Ciidanka dowladda Soomaaliya ay dhamaan Gobolada dalka ka fulin doonaan howlgallada ilaa iyo inta ay ka saarayaan Al-Shabaab.
Waxaa uu sheegey in howlgalkii ugu dambeeyey oo ay Ciidamada Dowladda ka sameeyeen deegaano ka tirsan Shabeellaha Hoose guulo waaweyn laga gaaray,isla markaana ay sii socon doonaan.
Maalin ka hor Ciidamada kumaandoosta Soomaaliya ee ku sugan gobolka Shabeellaha Hoose ayaa waxaa ay dagaal kula wareegeen deegaanka Janaale,halkaas oo in ka badan lix Sano ay maamulayeen Al-Shabaab.
