Taliyaha Ciidanka Booliska Soomaaliyeed Janeraal Cabdi Xasan Maxamed Xijaar ayaa waxaa uu xilkii ka qaadey Taliyihii Ciidanka Booliska degmada Wadajir Cabdi-baasid Maxamuud Cagey,isaga oo mid cusub u Magacaabey Saldhiga degmadaas.
Wararka la helayo ayaa waxa ay sheegayaan in Taliyaha Saldhiga Booliska Wadajir loo Magacaabey Saciid Cali Maxamuud oo kamid ah Saraakiisha Ciidamada Booliska Soomaaliyeed.
Ilo xog-ogaal ah ayaa waxaa ay sheegeen in xilka qaadista Taliyihii Saldhiga Booliska Wadajir ay ka dambeeysay,kadib markii shalay Maalin cad Gudaha degmadaas laga tuuray madaafiic lagu weeraray Xerada Xalane,isla markaana intaasi kadib Taliyaha Booliska uu xilkii ka qaadey su’aalana laga weeydiiyey arrintaas.
Si kastaba Al-Shabaab ayaa sheegtay mas’uuliyada weerarka madaafiic ah ee lagu qaaday Xerada Xalane,waxaana weerarkaas uu sababay in xilkii laga qaado Taliyihii Saldhiga Booliska Wadajir.
