Wararka naga soo gaaraya Isgoyska Ex Kontrool Balcad ee Muqdisho ayaa waxa ay sheegayaan in Qarax Khasaare geystay halkaasi lagula eegtay Ciidamo ka tirsan AMISOM.
Qaraxa ayaa la sheegay in uu ahaa Miino dhulka lagu aasay, islamarkaana uu haleelay mid ka mid ah Gawaaridda Ciidanka AMISOM oo wada Mareeyay.
Qof deegaanka ah ayaa Risaala u sheegay inuu maqlay jugta Xoogan ee qaraxyada, balse uusan garan karin inta uu la eeg yahay Khasaaraha Ciidamada Amisom qaraxyadaasi ka soo gaaray.
Ciidamada Amisom, ayaa qaraxyada markii halkaasi lagula eegtay kadib isaga dhaqaaqay, ka dib daqiiqo ay rasaas fureen waxaana goobta gaaray Ciidamada Booliska dowladda.
Lama oga khasaaraha Ciidanka Amisom qaraxyadaasi ka soo gaaray.
