Dowladda Turkiga ayaa ka hadashay Qaraxii saakay ka dhacay Isgoyska Ex-Koontarool Afgooye ee Magaalaa Muqdisho, kaasi oo geystay Khasaaro aad u badan oo isugu jira dhimasho iyo dhaawac.
Dadka ku dhintay qaraxaas musiibada ahaa ayaa u badan dad shacab ah iyo Arday u socotay goobo waxbarsho, waxaana ku jiray Arday dhiganeysay Jaamacadda Banaadir.
Safiirka dowladda Turkiga ee u fadhiga Soomaaliya Mehmet Yilmaz ayaa sheegay in qaraxii saakay ay uga dhinteen laba ruux oo u dhashay dowladda Turkiga, kuwaasi oo Isgoyska Ex-koontarool marayay xiliga uu qaraxu dhacayay.
In ka badan 30-ruux ayaa ku geeriyootay qaraxaas Ismiidaaminta ahaa, halka ku dhawaad 100 qof ay ku dhaawacmeen, waxaana la dhigay Xarumaha Caafimaad eek u yaalla Magaalada Muqdisho si loogu dabiibo xaaladood Caafmaad.
