Wararka laga helayo Magaalada Jigjiga ee Dowlad deegaanka Soomaalida ayaa waxaa ay sheegayaan tuulada xoodhley ee duleedka magaaladaas uu ka dhacay Shil Gaari oo sababay khasaaro dhimasho iyo dhaawac ah.
Shilkan ayaa yimid,kaddib markii uu rogmaday Gaari Bas ah oo ka yimid Magaalada Jigjiga kuna sii jeeday Magaalada Dhagax Buur uu rogmaday.
War kasoo baxay Booliska Deegaanka Soomaalida ayaa lagu sheegay in Shilkaasi ay ku geeriyoodeen 4 Ruux oo isugu jirey 3 dumar ah iyo 1 rag ah halka ay ku dhaawacmeen 11 ruux,kuwaas oo dhaawacooda la geeyey Magaalada Jigjiga.
Maxamad Siyaad, oo ah madaxa-dambi ka hortaga ee Gobolka Faafan oo la hadlay Warbaahinta ayaa sheegay in 11ka ruux ee dhaawacmay, 7 ka mid ah ay xaaladoodu culus tahay laguna daawaynayo Cisbitaalada Kaara-mardha iyo Sheekh Xasan-yabar ee Magaalada Jugjiga.
