Wasiirka Wasaaradda Maaliyada Xukuumadda Soomaaliya Cabdiraxmaan Ducaale Beyle iyo Safiirka Mareykanka ee Somalia Amb. Donald Yamamoto ayaa maanta kulan ku yeeshay Magaalada Muqdisho.
Kulanka ayaa looga wada hadlay hawlaha dib u habaybta Maaliyada dalka iyo horumarka laga sameeyay Barnaamijka deyn cafinta ee IMF ay hormuudka ka tahay Wasiiradda Maaliyadda Xukuumadda.
Ambassador Yamamoto ayaa sidoo kale Wasaaradda Maaliyadda ku bogaadiyay Hindse sharciyeedyada dhaqaale ee dhawaan labada Aqal ee Baarlamaanka meelmariyay ay ka mid yihiin, kan Iibka Qaranka iyo furdooyinka.
“Barnaamijka deyn cafinta iyo horumarinta dhaqaalaha dalka waa mudnaanteena kowaad si aan dalkeenna iyo dadkeena u gaarsiino horumar wanaagsan iyo barwaaqo” ayuu yiri Wasiir C/raxmaan Ducaale Beyle.
