General Yuusuf Cali Qasaay Yuusuf Cagey oo ka tirsan Ciidanka xoogga dalka Soomaaliyeed ayaa lagu dhex dilay gurigiisa oo ku yaalla Xaafada Warshada caanaha ee Muqdisho.
Saraakiil ka tirsan Ciidanka xoogga dalka ayaa Risaala u xaqiijiyay geerida Yuusuf Cagay.
Warar kala duwan ayaa ka soo baxaya dilka Jeneraalka, kuwaasoo qaarkood sheegayaan in dilkiisa uu ka dambeeyey sarkaal kale oo ay murmeen.
Dilka ayaa dhacay goor dhow, waxaana wali la heyn faahfaahin rasmi ah oo ku aadan Cidda ka dambeysay dilka loo geystay Generaalka, waxaana goobta gaaray Ciidamo ka tirsan Booliska iyo xoogga dalka.
