Hoggaamiyeyaasha Xubnaha ka ah Urur Goboleedka IGAD ayaa waxaa ay Maanta Ra’iisul Wasaaraha dalka Suudaan Cabdalla Xamduuk u doorteen Guddoomiyaha Cusub ee Urur-gobaleedka IGAD.
Shirweynaha 13aad ee Madaxda Urur Goboleedka IGAD uga socda Magaalada Adiis Ababa ayaa waxasa ay cod u qaadeen dalka qaban lahaa Guddoomiyaha Cusub ee Urur-gobaleedka IGAD oo ay ku loolamayeen dalalka Jabuuti iyo Kenya.
Hoggaamiyeyaasha IGAD ayaa waxaa ay ra’iisul Wasaaraha suudaan u doorteen Guddoomiyaha Cusub ee Urur-gobaleedka IGAD,kaas oo xilkaasi heyn doona muddo hal sano ah.
Ra’iisul-wasaaraha Suudaan waxa uu xilka Guddoomiyaha IGAD kala wareegi doonaa dhigiisa Ethiopia, Abiy Ahmed,waxaana
Dowladda Ethiopia ay xilka Guddoomiyaha IGAD hayeen tan iyo sannadkii 2010-kii.
Shirweynaha lagu doortay guddoomiyaha Urur-gobaleedka IGAD ayaa waxaa ka qayb galay dhamaan Madaxda Wadamada ku bohoobay Urur Goboleedka IGAD ee ka jira geeska Afrika.
Doorashada Guddooomiyaha Cusub ee IGAD ayaa waxaa ay soo af-jartay loolankii Kenya ee Xilkaasi oo maalmahan siweyn looga dareemayey Gudaha wadamada Afrika.
