Ciidammada Ammaanka ayaa howlgal gaar ah oo qorshaysan oo ay ka sameeyeen duleedka magaalada Muqdisho ayaa waxay gacanta ku soo qabteen xubin ka tirsan dagaalamayaasha Al-shabaab.
War qoraal ah oo lagu daabacay Warbaahinta dowladda ayaa waxaa lagu sheegay in xubinta la qabtay ay war haayeen ciidammada ammaanka isla markaana lagu raad joogay in mudo ah.
Sidoo kale Saraakiil ka tirsan dowladda ayaa sheegay in in xubinta la qabtay uu qaabil sanaa dilalka qorsheysan ee dadka Shacabka ah iyo Qaraxyada la galiyo wadooyinka.
Dhinaca kale ma jiro wax war ah oo kasoo baxay dhanka Al-shabaab oo ay uga hadlayaan wararka sheegaya in la qabtay xubin ka tirsaneyd, kaasi oo lagu qabtay howlgal laga fuliyay duleedka Magaalada Muqdisho.
