Wasiir ku xigeenka Wasaaradda Tamarta iyo Kheyraadka Biyaha Xukuumadda Federaalka ah ee Soomaaliya Cismaan Libaax Ibraahim oo ku sugan dalka Hidniya ayaa waxaa kulan gaar ah oo looga hadlay Arrimo dhowr ah uu la qaatay dhigiisa dalka Hindiya Mr. R K singh.
Kulanka ayaa waxaa ay uga wada hadleen labada Mas’uul xaaladda Korontada Dalka, asagoo Wasiir Cismaan libaax Ibraahim uga warbixiyay xaaladda Tamarta dalka iyo sida ay dowladda Hindiya uga tageeri lahayd korantada laga dhaliyo qoraxda ee Soomaliya.
Ugu dambeytii laba Wasiir waxa ay isla gaareen in wafdi heer sare oo Khubarada dhanka Solar dalka Hindiya loo soo diro Soomaaliya, si ay u qiimeeyaan xaaladda korantada dalka iyo sida koronta jaban dalka oo dhan loo gaarsiin lahaa, iyadoo Soomaaliya loogu faa’ideynaayo Khibradda iyo tijaabooyinka guulaha leh ay ka gaartay dowladda Hindiya ee dhanka Tamarta.
Wasiir ku xigeenka Wasaaradda Tamarta iyo Kheyraadka Biyaha Xukuumadda Federaalka ah ee Soomaaliya Cismaan Libaax Ibraahim ayaa dalka Hidniya uga qeyb-galay Shirka Isbaheysiga Caalamiga ah ee Solar-ka (International Solar Alleince – ISA).
