Qorshaha ay Dowladda Federaalka Soomaaliya Ciidamo boolis ah ku geyneyso deegaannada laga saaray Ururka Al-Shabaab ayaa yimid,kaidb markii Ra’iisul Wasaaraha Soomaaliya uu arrintaasi kala hadlay Taliyaha Ciidanka Booliska Soomaaliyeed iyo kuxigeenadiisa.
Kulanka ayaa looga hadaly dardar gelinta qorshaha sugidda amniga dalka iyo fududeynta dib-u-habeynta Booliiska, si loogu guuleyso tayeynta ciidamada booliiska oo qayb ka ah qorshaha guud ee ciidamada Soomaaliyeed ay kula wareegayaan mas’uuliyadda amniga dalka oo dhan.
Taliyaha iyo taliye ku-xigeennada ayaa Ra’iisul Wasaaraha xog ka siiyay howl galladii ugu dambeeyay ee booliisku amniga dalka ku sugayeen iyo guulahii laga gaaray, qorshaha ciidamo booliis ah lagu geynayo deegaannada laga saaray Al-Shabaab, waxa ayna ballan qaadeen in ay fududeynayaan qorshaha dib-u-habeynta Booliiska iyo in ay laba jibbaarayaan shaqooyinka ay qaranka u hayaan, si loo helo amni, xasilooni iyo kala dambeyn.
