Ciidammada Xoogga Dalka Soomaaliyeed iyo kuwa Midowga Midowga Afrika ee AMISOM ayaa xalay fiidnimadii hore ee waxaa ay Duqeyn ku dileen Saraakiil iyo dagaalyahano ka tirsan dagaalamayaasha Al-Shabaab.
Duqeyntan oo ay Ciidammadu ka fuliyeen duleedka Koonfureed ee degmada Awdheegle ayaa waxa ay ka dambeysay kadib markii ay Ciidammada Xoogga Dalka ka war heleen inay goobtaas isku urursadeen Al-Shabaab ah oo doonayey iney weeraro kusoo qaadaan degmada Awdheegle waa sida hadalka loo dhigay.
Taliska Ciidammada Xoogga Dalka Soomaaliyeed ayaa Warbaahinta dowladda u sheegay in duqeyntan lagu dilay Saraakiil iyo dagaalyahano ka badan 20 oo ka tirsan Al-shabaab.
Sidoo kale dowladda ayaa sheegtay in saraakiisha halkaas lagu dilay uu kamid ahaa ku xigeenka Sarkaalka Jabhadaha Al-Shabaab Xasan Abshir Jabriil oo magaciisa afgarashada uu yahay (Xasan Jiiroow).
Dhinaca kale ma jiro wax war ah oo kasoo baxay Al-shabaab oo ku aadan wararka sheegaya in duqeyn ka dhacday Gobolka Shabeellaha Hoose looga dilay Saraakiil iyo dagaalyahano ka tirsanaa iyaga.
