Warar dheeraad ah ayaa kasoo baxaya dagaal u dhaxeeyay Ciidamo ka tirsan Dowladda kuwa AMISOM Al-Shabaab, kaas oo ka dhacay deegaanka Golweyn oo ku yaalla duleedka deegaanka Buula Mareer ee Gobolka Shabeellaha Hoose.
Dagaalka ayaa yimid kadib markii Xubno ka tirsan Ururka Al-Shabaab ay weerar ku qaadeen Saldhig Ciidamada Dowladda & AMIOSM ku leeyihiin deegaanka Golweyn,waxaana la sheegay in halkaasi uu ka dhacay dagaal mudo kooban socday.
Dadka deegaanka ayaa ku waramaya inay maqlayeen dhawaqa rasaasta ay isku adeegsanayeen labada dhinac,hayeeshee aysan cadeyn Karin khasaaro ka soo kala gaaray dhinacyada halkaasi ku dagalaamay.
Maamulka deegaanka Buulo Mareer oo hoostaga deegaanka Golweyn ee lagu dagaalamay weli kama hadlin dagaalkaas,hayeeshee Al-Shabaab ayaa waxaa ay sheegeen inay weerareen Saldhiga Ciidamada AMISOM agar ahaan kuwa Uganda ku leeyihiin deegaanka Golweyn.
