Kooxda horyaalka La Liga ee Real Madrid ayaa la siiyay rigoore ka badan kooxaha kale ee horyaalka Spain xilli ciyaareedkan.
Los Blancos ayaa kulankii Levante ee ka tirsanaa horyaalka La Liga xalay waxaa la siiyay labo rigoore oo VAR ay go,aamisay.
Weeraryahanada Karim Benzema iyo Gareth Bale ayaa labaduba shabaqa ku riday rigoorooyinka ay heshay kooxdooda labada galin ee ciyaarta.
Rigooradii ugu horeysay ayaa timid ka dib markii Luka Modric qalad ku galay Enis Bardi, halka tan labaad xidiga Cheick Doukoure qalad uu ku sameeyay Casemiro.
Iyadoo labo rigoore ay ka dheeleen kooxda Levante, Real Madrid ayaa noqotay kooxda ugu badan ee rigoore loo ddhigay horyaalka La Liga sideedii kulan ee ugu danbeysay.
Kooxda heysata horyaalka yurub ayaa hore kulamadii Eibar iyo Barcelona waxaa loo siiyay rigoorayaal, taasoo ka dhigan in guud ahaan loo dhigay 7 rigoore sideedii kulan ee ugu dambeysay.
