Warar dheeraad ah ayaa ka soo baxaya weerar loo adeegsaday Bam gamcmeed oo xalay ka dhacay Magaalada Baydhabo oo Xarun KMG u ah maamulka Kooonfur Galbeed Soomaaliya.
Weerarkaasi ayaa waxaa la sheegay in lagu qaaday dhismyo ay Baydhabo ka degan tahay Hay’adda Samafal oo ka howlgasha Magaaladaasi.
Goobjoogayaal ayaa waxa ay Dalsan u sheegeen in Weerarka Bam gacmeedka ahaa ee lagu tuuray dhismaha Hay’adda uusan geysan wax Khasaaro ah.
Dhinaca kale Ciidamada Booliska maamulka Koonfur Galbeed oo howlgal baaritaano ah ka sameeyay Magaalada Baydhabo ayaa waxa ay ku soo qabteen qofkii ka dambeeyay weerarkaasi,isla markaana lagu xiray Saldhiga Booliska Magaalada Baydhabo.
Magaalada Baydhabo oo Xarun KMG u ah maamulka Koonfur Galbeed Soomaaliya ayaa waxaa mararka qaar ka dhaca weeraro kala duwan,kuwaasi oo Mas’uuliyadooda sheegta Al-shabaab.
