Kooxo ku hubeysnaa Bastoolado ayaa Caawa fiidkii gudaha Degmada Wartanabada ee Gobolka Banaadir waxa ay ku dileen wiil dhalinyaro ahaa.
Dad goobjoogayaal ah ayaa waxa ay inoo sheegeen in dilka uu ka dhacay Xaafada Xararyaale ee Degmada Wartanabada,isla markaana rag hubeysan ay toogteen Wiil dhalinyaro ahaa oo si weyn looga yaqaanay Xaafaddaasi.
Sidoo kale waxaa la sheegay in ragii ka dambeeyay dilka Ruuxa dhalinyarada ahaa ay goobta ka baxsadeen.
Ciidamo ka tirsan kuwa Booliska ayaa gaaray goobta uu dilka ka dhacay,iyagoo halkaasi ka qaaday Meydka Ninka la dilay.
Inta badan Magaalada Muqdisho ayaa waxaa ka dhaca dilal qorsheysan,waxaana dilkan Caawa uu kamid yahay dilal hore uga ka dhacay Muqdisho.
