Shil gaari oo khasaaro geystay ayaa maanta waxaa uu ka dhacay Degmada Xamar jajab ee Gobalka Banaadir.
Inta la ogyahay 1 qof ayaa ku dhintay shilka gaari, kaasi oo ku dhacay Degmada Xamar Jajab.
Dad goobjoogayaal ah ayaa KNN u sheegay in shilka sababay ka dib markii Nin Darawal ah oo watay gaari nooca Soomaalida u taqaan Ina tareega uu isku dayaayay inuu fuulo Buundada Sheelare oo ku taala Degmada Xamar Jajab, Balse waxaana la tilmaamay in gaariga uu kaga dhagay Bareega.
Intaasi kadib darawalkii ayaa bilaabay inuu hagaajiyo gaari, hayeeshee isagoo ku hoos jira ayaa la sheegay in dib ugu soo dhaqaaqay gaariga, iyadoona durbadiiba uu gaariga jiiray darawalka, sidaasina uu ku dhinto.
Muqdisho ayaa ku soo batay shilalka noocan oo kale ah.
