Maamulka gobolka Baay ee Koonfur Galbeed ayaa faah faahin ka bixiyay xaalada Magalada Baydhabo iyo diyaar garoowga loogu jiro doorashada la filayo in 5 Bisha soo socota ee Decembar ay ka dhacdo Magalada Baydhabo.
Guddoomiye kuxigeenka Gobolka Baay ee Maamulka Konfur Galbeed Cumar Maxamed Cali ayaa sheegay in diyaar garowga doorashada ay si wanaagsan uga socoto Magalada Baydhabo,isla markaana laamaha amniga ay howshooda dhinaca amniga ah ay wataan.
Waxa uu ka digay in qalalaaso Siyaasadeed xilligaan laga abuuro Magalada Baydhabo,hayeeshee u sheegay in Ciidamada Millateriga iyo kuwa Booliska ay wadaan howlaha sugida Amniga.
Hadalkaan ka soo yeeray Maaamulka Gobolka Baay ayaa kusoo aadaya xilli Magalada Baydhabo siweyn looga dareemayo qaban qaabada doorashada Madaxweynaha Koonfur Galbeed oo la filayo inay dhacdo horaanta bisha soo socota ee Decembar ee Sanadkaan 2018.
