Daahir Aadan Cilmi Indha qarshe Taliyaha Ciidanka difaaca Soomaaliya iyo Saraakiil uu hoggaaminayo ayaa booqday deegaanka Dhannaane ee Gobolka Shabeelaha hoose.
Taliyaha ciidanka xoogga oo warbaahinta kula hadlay deegaanka Dhanaane ayaa sheegay in dagaalkii dhawaan ka dhacay deegaankaasi ay ku dileen xubno ka tirsan Al-Shabaab.
Laakin ma sheegin taliyaha ciidanka xoogga tirada ay ka dileen Al-Shabaab.
Sidoo kale taliyaha ayaa waxaa uu bogaadiyay ciidamada xoogga, isagoona ka dalbaday in ay beegsadaan meelkasta oo ay ku sugan yihiin Al-Shabaab.
Deegaanada Dhanaane iyo Jilib marka oo dhamaantooda kawada tirdan Gobalka shabeelaha Hoose ayaa dhawaan waxaa ku dagaalamay ciidamada Xoogga iyo Al-Shabaab.
