Liverpool ayaa diidi doonta inay iibiso Mohamed Salah qiimo kasta oo lasoo bandhigo xagaagam, inkastoo ay xiiseyneyso kooxda ka dhisan La Liga ee Real Madrid.
Xiddiga reer Masar ayaa jecel inuu ku guuleysto abaalmarinta ciyaaryahanka sannadka ee PFA ka dib markii uu xilli ciyaareedkiisii ugu horeeyay Anfield wacdaro dhigay.
Salah ayaa dhaliyay 40 gool 45 kulan oo uu u saftay Reds tartamada oo dhan xili ciyaareedkaan..
25 jirkaan ayaa Reds kaga soo biiray Roma 35 milyan oo ginni xagaagii hore, waxaana uu nkooxdiisa gaarsiiyay afar dhamaadka Champions League ka dib markii 5-1 ku garaaceen Manchester City wareega sideed dhamaadka.
Real Madrid ayaa lagu soo waramayaa inay xiiso u qabto saxiixa xiddiga hogaamiya kooxda Liverpool, sida laga soo xigtay shalay halyeyga Masar Mido.
Mido ayaa sheegay in Salah uu diyaar u yahay inuu ku biiro garoonka Bernabeu xili ciyaareedka dambe.
Si kastaba ha ahaatee, Liverpool ayaa la fahamsan yahay inaysan qiimo kasta diyaar u aheyn inay iibiso Salah, sida ay qortay Mirror.
Tababare Jurgen Klopp ayaa si buuxda u taageeray qorshaha kooxdiisa kusoo heysaneyso Mohamed Salah oo bartilmaameed u ah Real Madrid.
