Madaxweynaha Maamulka Hir-Shabeelle Maxamed Cabdi Waare oo ka mid ahaa madaxdii ka qeyb gashay munaasabadii xilka uu kula wareegay Gudoomiyaha gobolka Banaadir ayaa soo bandhigay qorshihiisa wadaShqeyn ee Maamulka Cusub ee Gobolka Banaadir.
Madaxweyne Waare ayaa sheegay in Maamulka Hir-Shabeele uu Maamulka Cusub ee Gobolka Banaadir ay kala Shaqeyn doonaan dhismaha kaabayaasha Dhaqaalaha, dhismaha Wadooyinka soo gala Muqdisho ee ka yimaada deeganada Hir-Shabeelle iyo daqli aruurinta iyo Canshuuraadka.
Madaxweyne Waare ayaa soo hadal qaaday in sidoo kale dhanka Amniga in ay ka taageeri doonaan Maamulka Cusub,iyaga oo koontorooli doona Gaadiidka soo galaya Muqdisho maadaama Wadooyinka ugu badan ee soo gala Muqdisho ay badankood ka yimaadaan deegaanada Hir-Shabeelle.
Tan iyo markii la Magacaabay Gudoomiyaha Cusub ee Gobolka Banaadir ayaa waxa isasoo taraya dadka shaacinaya in ay taageero weyn siin doonaan Maamulka uu hogaamiyo Eng Cabdiraxmaan Cumar Cismaan Yariisow.
Hoos Ka Dhageyso Codka Madaxweyne Waare.
