Deeganka Tukaraq ee Gobolka sool weli waxaa ka taagan xiisad dagaal oo u dhaxeysa ciidamada Maamulka Puntland iyo kuwa Soomaaliland kuwaas oo shalay arroortii hore wada dagaalamay.
Maamulka gobolka Sool ee Puntland ayaa Soomaaliland ku eedeynaya in ay doonayaan dhul ballaarsi,isla markaana ay ku soo xadgudbeen deegaanadooda.
Gudoomiyaha Gobolka Sool ee Maamulka Puntland Daahir Suleymaan ayaa Dalsan u sheegay in Afaafka hore ee Tukaraq iminka leysku horfadhiyo,isla markaana aysan jirin cid kala dhex gashay labadaasi ciidan
Waxa uu sheegay in deegaanada Gobolada Sool iyo Sanaag ay ka tirsan yihiin Puntland isla markaana Soomaalilnd ay deegaanadaas ku soo durgayaan,iyaga oo doonaya dhul ballaarsi sida uu hadalka u dhigay.
Shalay ayaa deegaanka Tukaraq ee Gobolka Sool waxaa ku wada dagaalamay ciidamada Maamulka puntland iyo kuwa soomaaliland kadib markii Ciidamada Puntland ay weerareen fariisin ciidamada Soomaaliland ku leeyihiin
deegaanka tukaraq.
Hoos Ka Dhageyso Codka gudoomiyaha Gobolka Sool.
