Maalmihii la soo dhaafay waxa soo baxayay Warar sheegayay in Xidhiirka Kubadda Cagta bariga iyo bartamaha Africa ee CECAFA uu Soomaaliya ka saaray dalalka ka qeyb-galaya koobka Qaramada bariga iyo bartamaha Africa ee sanadkan ka dhacaya dalka Kenya.
Tartankaan ayaa waxaa la qaban doonaa 17 Bisha soo socota ee December,Soomaaliya ayaana been abuur ku tilmaamtay wararkka sheegaya in tartankaas laga reebay.
Guddoomiyaha xiriirka Kubadda Cagta Soomaaliya ahna Guddoomiye ku xigeenka CECAFA ahna guddoomiyaha tartanka CECAFA ee bisha soo socota ka dhici doona Nairobi Cabdiqani Siciid Carab ayaa beeniyay in Soomaaliya laga saaray Tartankaasi waxa uuna yiri.
“Ma jirto cid ka saari kartaa Soomaaliya tartankaas laakiin waan la socdaa in Baraha Bulshada lagu faafiyay,runtii waa wax lala yaabo waxana idiin sheegayaa in Soomaaliya ay Xubin muhiim ah ka tahay Bariga iyo Bartamaha Afrika Xeer ahaana ma jirto cid shaacin karta in Soomaaliya laga saarayo cidii wax kale ka qabtaa hanala soo xiriirto ayuu yiri.
Hoos Ka Dhageyso Codka Cabdi Qani Siciid Carab.
