Guud ahaan deegaanada Somaliland ayaa hawada laga saaray adeegyada internetka ee ay bulshada ku wada xiriirto sida Facebook,Twitter,Viber,Imo iyo qaar kale kadib markii ay soo dhamaatay doorashada maanta ay u dareereen shacabka Somaliland.
Shirkadaha bixiya adeegyada Internetka sida Telesom, Somtel iyo Somcable ayaa jaray adeegyadaasi kadib markii ay ka codsadeen guddiga doorashooyinka Somaliland.
Ka saarista hawada Baraha Bulshada ayaa timid kadib markii la soo xirey inta badan goobaha codbixinta oo ay dhamaatay doorashadii maanta ay u dareereen shacabka ku nool deegaanada Somaliland maamusho.
Tirinta codadka ayaa lagu wadaa inay bilaabato iyadoo laga sugayo maalmaha soo socda in guddiga doorashada ay ku dhowaaqaan natiijada doorashada Madaxweynaha Somaliland oo ay ku tartamayaan saddex Musharax.
Guddiga doorashada ayaa gelinkii dambe ee maanta shaaciyay in si ammaana ah ay doorashadii ku dhacday.
