Fanaanada caankaa ee maryan mursal ciise bootaan oo dhawaan soo gaartay magaalada gaalkacyo ee xarunta gobalka mudug ayaa maanta xaflad lagu soo dhaweynayay waxaa lagu qabtay hotelka five star ee koonfurta magaalaga gaalkacyo
Xaflada oo ahayd mid si heer saraa loo agaasimay ayaa waxaa ka qayb galay masuuliyiin sare sare oo ka tirsan galmudug oo iskugu jira wasiiro,xildhibaano maamulka gobalka mudug ee galmudug kan dagmada gaalkacyo ururada bulshada rayidkaa iyo madaxweynihii hore ee galmudug maxamed axmed caalin.
Intii ay xafladu socotay ayaa waxaa khudbado dhiirigalin iyo soo dhawayn iskugu jira halkaasi ka jeediyay masuuliyiintii xaflada ka qayb gashay iyo Qaybaha bulshada rayidkaa ee goobta ku sugnaa.
Maxamed axmed caalin madaxweynihii hore ee galmudug ayaa sheegay in booqashada maryan mursal ee gaalkacyo ay muujinayso nabada iyo hormarka ka hana qaaday magaalada gaalkacyo oo kasoo kabanaysa dagaaladii sokeeye ee ragaadiyay sanadihii lasoo dhaafay magaalada.
Ugu Dambayn fanaanada maryan mursal ciise oo goobta ka hadashay ayaa u mahadcelisey dadkii gaalkacyo kusoo dhaweeyay gaar ahaan shacabka iyo masuuliyiinta galmudug waxayna sheegtay in gaalkacyo ay tahay magaalada ay kasoo jeedo aadna ay u jeceshahay mar walba in ay timaado
Waxay bulshada reer gaalkacyo fanaanada maryan mursal ugu baaqday in ay adkaystaan amniga iyo wadajirka ay hada haystaan kana shaqeeyaan hormarkooda ayna gacmaha isqabsadaan si ay magaaladooda u hormarshaan.
